ಶಿವರಾಮ ಕಾರಂತ ಎರಡು ಅಧ್ಯಯನಗಳು

ಕಾರಂತರ ಕಾದಂಬರಿಗಳಲ್ಲಿ ವ್ಯಕ್ತವಾಗುವ ಗಂಡುಹೆಣ್ಣಿನ ಸಂಬಂಧದ ಪ್ರಶ್ನೆ ಮತ್ತು ಆಧುನೀಕರಣದ ಪ್ರಕ್ರಿಯೆ- ಇವೆರಡು ವಸ್ತುಗಳನ್ನು ಪ್ರತ್ಯೇಕವಾಗಿಟ್ಟುಕೊಂಡು ಈ ಪುಸ್ತಕವು ಕಾರಂತ ಚಿಂತನೆಯ ಜಿಜ್ಞಾಸೆಗೆ ಕೈಹಾಕುತ್ತದೆ. ಇವೆರಡು ಪ್ರಶ್ನಿಗಳು ಕಾರಂತ ಕೃತಿಲೋಕದ ಎರಡು ಪೂರಕ ಆಯಾಮಗಳನ್ನು ಪ್ರತಿನಿಧಿಸುವಂಥವು- ಒಂದು, ಗಂಡುಹೆಣ್ಣೀನ ಸಂಬಂಧದ ಆಂತರಿಕ ಜಗತ್ತು; ಇನ್ನೊಂದು, ವಸಾಹತುಶಾಹಿ ಇತಿಹಾಸವನ್ನು ಹಿನ್ನೆಲೆಯಾಗಿಟ್ಟುಕೊಂಡ ವಿಶಾಲ ಹೊರಜಗತ್ತು. ಆದರೆ, ಇನ್ನೊಂದು ರೀತಿಯಿಂದ ನೋಡಿದರೆ, ಇವೆರಡೂ ಪರಸ್ಪರವನ್ನು ಬಿಂಬಿಸುವ ಕನ್ನಡಿಗಳೂ ಹೌದು. ಹೀಗೆ ‘ವೈಯಕ್ತಿಕ’ ಮತ್ತು ‘ಸಾಮಾಜಿಕ’ ರಾಜಕಾರಣಗಳ ಸೃಜನಶೀಲ ಮುಖಾಮುಖಿಯಲ್ಲಿ ಕಾರಂತರ ಕಾದಂಬರಿಗಳ ದರ್ಶನ ರೂಪುಗೊಳ್ಳುವ ಬಗೆಯನ್ನು ಪ್ರಸ್ತುತ ಬರಹವು ಸೂಕ್ಷ್ಮವಾಗಿ ಅನಾವರಣಗೊಳಿಸುತ್ತದೆ. ಈ ಮೂಲಕ ಟಿ.ಪಿ. ಅಶೋಕ ಅವರು ಕೃತಿನಿಷ್ಠ ಮತ್ತು ಸಂಸ್ಕೃತಿಸ್ಪಂದಿ ವಿಮರ್ಶೆಗಳ ನಡುವಿನ ಒಳಸಂಬಂಧವನ್ನು ಹೆಣೆಯಲು ಸಫಲರಾಗಿದ್ದಾರೆ.